توقعات برج الأسد من السبت 28 يونيو إلى السبت 3 يوليو 2025 على المستويات العلمي، المهني، والعاطفي:
علميًا / نفسيًا
عطارد داخل برجك، وده بيخلي أفكارك لامعة وكلامك مؤثر جدًا. عندك حضور وهيبة، وبتلفتي الأنظار من غير ما تتكلمي كتير.
هتحسي بطاقة داخلية بتدفعك للتغيير والتجديد، سواء في شكلك، أو عاداتك، أو حتى دايرتك الاجتماعية.
نهاية الأسبوع مناسبة جدًا لـ "restart" ذهني.. اقعدي مع نفسك وخططي للي جاي.
مهنيًا
الأسبوع ده واعد جدًا من الناحية المهنية
لو عندك مشروع أو فكرة، قدّميها بدون تردد — الناس هتسمعلك، وهتقدّري تسيطري على أي اجتماع أو تفاوض.
ممكن توصلك فرصة مفاجئة أو مساعدة من شخص نافذ، فخلي عينك مفتوحة.
انتبهي بس من الغرور أو الاندفاع، خصوصًا لو حد حاول يعارضك.
عاطفيًا
القمر بيقرب من برجك في آخر الأسبوع، وده هيزود جاذبيتك بشكل كبير جدًا
لو مرتبطة: في دفء وقرب بينك وبين الشريك، ولو في خلافات سابقة، فيه فرصة للتصالح.
لو عزباء: احتمال كبير تتعرفي على شخص جديد يكون مميز جدًا ومشدود ليكِ، أو حد بيعبرلك عن إعجابه فجأة.
نصائح الأسبوع لبرج الأسد
استغلي طاقتك في شيء حقيقي ومفيد – عندك فرصة تتألقي.
ما تتكبريش على النصيحة، حتى لو جاية من حد بسيط.
خدي بالك من المصاريف، في شوية ميل للتبذير.
لو حسيتي إن في ناس بتحاول تقلل منك.. تجاهليهم، نورك هيغطي على الكل.
