علا غانم: «أنا سايقة بسرعة ومحدش عارف يحصلني.. وبتبارك بالشغالين الرجالة»

قالت الفنانة علا غانم، إنها ليست بالمرأة القوية، لكنّها سيدة تحدد أفكارها وخطواتها بدقة.

وأضافت خلال الجزء الثاني من لقائها ببرنامج «العرافة» الذي تُقدمه الإعلامية بسمة وهبة، عبر شاشة «المحور»، وعُرض مساء الأحد: «أنا منظمة في خططي.. ومش بعرف أشتغل غير لما أكون مرتبة خطواتي.. وده اللي بيخليني طول الوقت سايقة.. أنا بجري بسرعة ومحدش عارف يجري جنبي.. وطول الوقت بيجروا ورايا.. ولما بجري بسرعة بعمل حاجات كتير كويسة فبيشيلوا».

وفسّرت سبب اعتمادها على خادمين من الرجال بدلا من السيدات، قائلة: «جبت شغالين رجالة بدل الستات مش لإني ضعيفة لكني بتبارك بيهم أكتر».

وأضافت: «أنا ست مش موجودة في بيتي طول الوقت، فإزاي أسيب شغالات في البيت.. وده ملوش علاقة بإني جميلة أو وحشة».