القاهرة – مصر اليوم
كشفت الفنانة نجلاء بدر عن طريقتها في التعامل مع المتحرشين، مؤكدةً أنها إذا تعرضت للتحرّش ستُبلغ الشرطة فوراً، موجّهةً نصائح الى الفتيات في حالة تعرّضهن للتحرش.
وقالت نجلاء: “زمان مكنتش ممكن أبلّغ الشرطة إذا تعرّضت للتحرش، بس دلوقتي ممكن أعملها لأن الزمن اتغير واختلف، إحنا زمان كنا بنخاف والواقعة كانت بالنسبالنا صدمة، وزمان مكنش في تحرش زي دلوقتي”.
وأضافت: “زمان لو كان حد يتطاول عليكي كانت بتبقى خضة وواقعة كبيرة أوي، والخضة بتخليكي مبتعرفيش تتصرفي، النهاردة أنتي تقدري لو حد تطاول عليكي تطلعي تليفونك في ساعتها علشان تصوريه أنتي كده عندك دلائل، وبقى عندك صوت تقدري تقوليه… إحنا كنا زمان بنخاف حتى بتخافي تقولي لأهلك إنك اتعرضتي لكده، فأنا أعتقد إن الزمن اختلف والإثبات بقى أسهل يعني الأول مكنتيش بتعرفي تثبتي دلوقتي لأ، أصل أول حاجة ده اتحرش بيا، ودائماً البنت هي اللي المقهورة وإحنا لسه مجتمع ذكوري، بس أنا شايفة إن دلوقتي بقى في منظمات ومواقف بتدافع عن ده فبقى في وسائل تقدري تعبري فيها عن ده وتخدي بيها حقك”.
يُذكر أن آخر أعمال نجلاء بدر الفنية، مسلسل “صوت وصورة”، والذي حققت من خلاله نجاحاً كبيراً، وتدور أحداثه حول فكرة التحرش وردّ فعل المتحرش، وهو من بطولة: حنان مطاوع ومراد مكرم وصدقي صخر وعمرو وهبة.
قـــد يهمــــــــك أيضــــــاُ :
نجلاء بدر تتحدث عن الشخصية التي تتمنى تقديمها
رسالة من نجلاء بدر لـ عصام الصياد مع انتهاء صوت وصورة
