حلّت الفنانة ياسمين رئيس ضيفة على برنامج "أسرار النجوم" الذي تقدمه المذيعة إنجي علي، على إذاعة نجوم إف إم، حيث تحدثت عن أمنيتها التي تتمنى أن تتحقق للفنانين، مشيرة الى التغير الكبير الذي طرأ على نظرتها لمجال العمل الفني منذ بداياتها وحتى اليوم.
وقالت رئيس: "أنا نفسي أكتب حكايتي مع الفن.. ونظرتي للشغلانة اختلفت عن أول ما بدأت، في البداية مكنتش فاهمة كنت داخلة أمارس هوايتي، ومش عارفة أنا داخلة أعمل إيه ولا أنا فين".
أضافت: "بدأت بحاجة بحبها، مش شغل، لكن الموضوع مش كده، لازم يكون فيه فكر وترتيب، وحاجات تنفع وحاجات متنفعش، وناس أكبر مني وناس أصغر مني، حاجات كتير اتعلمتها مع الوقت".
كما تطرقت الى الضغوط التي يتعرض لها الفنانون، قائلة: "نفسي يقدروا الإنسان أكتر من الوقت. الفنانون بدأوا يضغطوا على نفسهم جدًا، وبيبقوا شباب وتعبانين، وللأسف، معندناش تأمين في شغلانة الفن، فبتمنى يكون فيه تأمين على الفنانين".
وتابعت: "أنا اتمنيت أعمل فيلم زي فيلم ماما وبابا، والحمد لله جالي الموضوع واتبسطت جدًا، وعمري ما جربت إحساس إن الأطفال بتضحك وهي بتتفرج على فيلم ليا، وكان معايا ابني في العرض الخاص ودي أول مرة يحضر معايا، هو وأصحابه وولاد أخويا قعدت معاهم ولما كانوا بيضحكوا كان من قلبهم، قلبي كان بيرفرف بجد".
وكشفت ياسمين سبب حماسها لتقديم فيلم "ماما وبابا" وعلاقته بمسلسل "اللعبة"، قائلة: "كان نفسي أعمل حاجة أعرف ولادي وولاد أخويا يتفرجوا معايا ويبقوا بيضحكوا ومبسوطين، دي أكتر حاجة كنت بفكر فيها يمكن عشان أنا أم، وغيرت بصراحة ابني مش بيتفرج على حاجات كتير بس بيتفرج على مسلسل "اللعبة" وبيحبه جدًا جدًا فغيرت كدا قولت أنا عايزة أعمل حاجة يتفرجوا عليها ويضحكوا الولاد والحمد لله أنا كل حاجة اتمنيتها حصلت وحشة أو حلوة، أنا اتمنيت أعمل النوع دا فيلم عائلي العيلة كلها تعرف تتفرج عليه، والحمد لله جالي الموضوع واتبسط جدا".
وعبرت ياسمين رئيس عن سعادتها بالتعاون مجددا مع الفنان محمد عبد الرحمن قائلة: " محمد عبد الرحمن أنا بحبه واشتغلنا مع بعض قبل كده، أول حاجة كان فيلم "إكس لارج" بس متقابلناش هو كان أول مرة يمثل وكنت أنا دا تاني فيلم ليا، اتقابلنا في "لص بغداد" وبقينا أصحاب من وقتها وبنسأل على بعض".
قد يهمك أيضــــــــــــــا
طرح البوستر الرسمي لفيلم «ماما وبابا» لـ ياسمين رئيس ومحمد عبد الرحمن
